१७ ऑक्टोबर,१८ ऑक्टोबर २०२०, मनसे कार्याची दैनंदिनी

१७ ऑक्टोबर,१८ ऑक्टोबर २०२० ◆ मनसे बातमीपत्र

मनसे प्रवेश ● भिवंडी (ठाणे)

भिवंडी काल्हेर  येथील तरूणांनी ठाणे पालघर जिल्हा अध्यक्ष श्री अविनाश जाधव यांच्या नेतृत्वाखाली मनसेत प्रवेश केला.

मनसे प्रवेश ● मुंबई

प्रभाग क्रमांक ९४ मधील विविध पक्षातील तरूण कार्येकर्ते/महिला कार्येकर्त्यांनी विभाग अध्यक्ष श्री सुनिल हर्षे, श्री संजय नाईक (मनसे वाहतूक सेना अध्यक्ष) यांच्या उपस्थितीत पक्षप्रवेश केला.

मनसे प्रवेश ● रत्नागिरी

जयगड, खंडाळा,येथील तरुणांनी राजसाहेबांच्या विचाराने प्रेरीत होऊन मनसे सरचिटणीस श्री वैभव खेडेकर आणि मनसे जिल्हा अध्यक्ष श्री जितेंद्र चव्हाण यांच्या उपस्थितीत पक्षप्रवेश केला.

मनसे प्रवेश ● पुणे

श्री अभयराजे वाडेकर (पुणे जिल्हा संघटक) यांच्या उपस्थितीत चाकण शहरातील महिला/ पुरुष कार्येकर्त्यांनी मनसे पक्षात पक्षप्रवेश केला.

मनसे प्रवेश ● अंधेरी (मुंबई)

प्रभाग क्रमांक ७६ मधील विविध पक्षातील तरुण कार्येकर्त्यांनी मनसे प्रमुख राजसाहेब ठाकरे ह्यांच्या विचाराने प्रेरित होऊन मनसे सरचिटणीस श्री संदीप दळवी ह्यांच्या उपस्थितीत मनसे पक्षात प्रवेश केला.

मनसे प्रवेश ● नवी मुंबई (ठाणे)

आगरी-काेळी तरुणांचा ओढाही मनसेकडे, नवी मुंबई, बेलापूर फणसपाडा, शहाबाज गावातील आगरी काेळी तरुणांनी मा. राजसाहेब ठाकरे यांच्या नेतृत्वावर विश्वास ठेवत माेठ्या संख्येने मनसे शहराध्यक्ष श्री गजानन काळे यांच्या उपस्थितीत मनसेत प्रवेश केला.

मनसे प्रवेश ● नागपूर

नागपूर जिल्ह्यातील रामटेक पवनी येथील फुलझरी येथे नवयुवकांनी तालुका शेखर भाऊ दुन्डे यांच्या मार्गदर्शनाखाली रमेश उईके व गावातील नवयुवकांनी प्रवेश केला यावेळी त्यांनी गावातील अनेक समस्या श्री. शेखरभाऊ दुन्डे यांच्यासमोर मांडल्या.

मनसे प्रवेश ● नाशिक

नाशिकरोड येथील विविध पक्षातील तरुण कार्येकर्ते, सामाजिक कार्येकर्त्यांनी मनसे सरचिटणीस श्री अशोक मुर्तडक, जिल्हाध्यक्ष श्री दिलीप दातीर, शहराध्यक्ष श्री अंकुश पवार ह्यांच्या उपस्थितीत मनसे पक्षात प्रवेश केला.

मनसे प्रवेश ● नाशिक

भाजपा महिला आघाडी महाराष्ट्र प्रदेश उपाध्यक्षा सौ. निर्मला पवार यांच्यासह अनेक महिलांनी मनसे सरचिटणीस श्री अशोक मुर्तडक, जिल्हाध्यक्ष श्री दिलीप दातीर, शहराध्यक्ष श्री अंकुश पवार ह्यांच्या उपस्थितीत मनसे पक्षात प्रवेश केला.

मनसे प्रवेश ● उरण (रायगड)

वहाळगाव, मोरावे गावात अनेक तरुण कार्येकर्त्यांनी/ महिलांनी मनसे पक्षात श्री अतुल भगत, Adv श्री अक्षय काशीद (मनविसे जिल्हा अध्यक्ष) यांच्या उपस्थितीत पक्षप्रवेश झाला आणि मनसे शाखेचे उद्घाटन सुद्धा दोन्ही गावात झाले.

मनसे यश ● गुहागर (रत्नागिरी)

प्रवाशांची गैरसोय लक्षात घेता पाटपन्हाळे कोंडवाडी ते पिंपळवट एसटी सुरू करण्यासाठी मनसे गुहागर तालुका अध्यक्ष श्री विनोद जानवळकर ह्यांनी निवेदन दिले होते, त्यांच्या मागणीला यश आले आहे. ST महामंडळाने सदर मार्गावर बससेवा चालू केली आहे.

मनसे यश ● नवी मुंबई

सीवुडस विभाग अध्यक्ष श्री अमोल आयवळे यांनी काही दिवसांपूर्वी प्रभागातील रस्त्यांवरील विजेचे दिवे बंद असल्याने चालू करण्यासाठी पालिका अधिकाऱ्यांकडे निवेदन दिले होते. पालिका प्रशासनाने मनसेच्या मागणीनंतर विजेचे दिवे अखेर चालू केले.

मनसे यश ● डोंबिवली (ठाणे)

मनसे डोंबिवली शहर अध्यक्ष/ राज्य उपाध्यक्ष श्री राजेश कदम ह्यांनी डोंबिवली वाशी मार्गावर बस सेवा चालू करण्यासाठी आक्रमक पवित्रा घेतल्यानंतर त्यांच्या मागणीला यश आले असून सोमवार पासून सदर मार्गावर बससेवा चालू होईल.

मनसे कार्य ● माहीम (मुंबई)

INFIGO आणि मनसे माहीम विधानसभा क्षेत्रातर्फे दिनांक - १७/१०/२०२० ते २५/१०/२०२० ह्या कालावधीत लिलीयन हाउस येथे सकाळी ११ ते सायंकाळी ७ ह्या वेळेत मोफत नेत्र तपासणी शिबिर आयोजित केला आहे.

मनसे कार्य ● बदलापूर (ठाणे)

घटस्थापनेच्या मुहूर्तावर मनसे बदलापूर महिला सेनाच्या संगीता चेंदवणकर यांच्या पुढाकाराने निर्भया सामाजिक संस्था आणि माऊली कृपा कला अकादमी प्रस्तुत महिलांना आणि मुलींना स्वसंरक्षणासाठी शिवकालीन कलांचे प्रशिक्षण देण्यात येत आहे.

मनसे कार्य ● अमरावती

शारदीय नवरात्रोत्सव निमित्ताने कोरोना प्रादुर्भावामध्ये सुरक्षादृष्टिकोनातून मनसे अमरावती शहर टीम कडून अंबादेवी व एकवीरा देवी मंदिराचा परिसर तेथील घरे व दुकानांच्या संपूर्ण परिसरात औषधी फवारणी करून सॅनिटायझेशन करण्यात आले.

मनसे कार्य ● कुडाळ (सिंधुदुर्ग)

कोरोना आपत्तीमुळे नवरात्रौत्सव मनोरंजनाचे कार्यक्रम टाळून सामाजिक उपक्रमातून मनसे पिंगुळी विभागाच्या वतीने १९ रोजी रक्तदान शिबिराचे आयोजन करण्यात आले आहे.

मनसे कार्य ● पुणे

मा. मनसे नगरसेविका पुष्पा कनोजीया व मनविसे पुणे जिल्हाध्यक्ष प्रशांत कनोजीया यांच्या माध्यमातुन आज आपल्या कोथरुड करांसाठी रुग्णवाहीका (ॲम्बुलन्स) लोकार्पण सोहळा मनविसे महाराष्ट्र राज्य अध्यक्ष आदित्य शिरोडकर यांच्या हस्ते पार पडला.

मनसे कार्य ● भांडुप (मुंबई)

मनसे रस्ते आस्थापना विभागाचे श्री संतोष मयेकर, संतोष पार्टे आणि सहकाऱ्यांच्या वतीने मनपाच्या आरोग्य विभागात, पाणीपुरवठा विभाग, घनकचरा विभाग, परीक्षण विभाग, पर्यावरण विभाग, उद्यान विभाग मध्ये काम करणाऱ्या कर्मचाऱ्यांना मास्क देण्यात आले.

मनसे कार्य ● श्रीवर्धन

आज घटस्थापनेच्या शुभमुहूर्तावर श्रीवर्धन तालुक्यातील मौजे आदगाव येथे मनसे आदगावच्या वतीने मोफत सार्वजनिक वृत्तपत्र वाचनालयाचे उद्घाटन श्रीवर्धन तालुका अध्यक्ष सुशांत पाटील यांच्या हस्ते करण्यात आले.

मनसे कार्य ● कल्याण

मनसे प्रभाग क्र. 16 च्या वतीने जनधन व पॅनकार्ड शिबिराचे आयोजन करम्यात आले होते. ह्या मनसे आयोजित जनधन व पॅनकार्ड शिबीरास नागरिकांचा उदंड प्रतिसाद.

मनसे कार्य ● अंधेरी (मुंबई)

गेले दिड महिना सुरू असलेल्या 'मनसे'च्या आंदोलनाला यश आल्याची विधानसभा अध्यक्ष संदेश देसाई यांची माहिती. राजाराणी मल्होत्रा विद्यालयातील आरटीई व इतर विद्यार्थ्यांचे बंद असलेले ऑनलाईन शिक्षण सुरू.

मनसे निवेदन ● भोसरी (पुणे)

"साई तिरुपती ग्रीन्स" चर्होलीगाव भोसरी विधानसभेतील बिल्डर व मालकाकडून ६०० सदनिकाधारकांची फसवणूक केल्याप्रकरणी तातडीने कडक कारवाई करण्याबाबत मनसेचे श्री सचिन चिखले आणि श्री अंकुश तपकीर ह्यांनी आयुक्तांना निवेदन दिले.

मनसे निवेदन ● उल्हासनगर (ठाणे)

चार ते पाच महिन्यांपूर्वी घोषणा करून, लाखो रुपये खर्च करून उल्हासनगर शहरासाठी उभारलेले स्वतंत्र चाचणी निदान केंद्र (आर टी पी सी आर लॅब) तात्काळ कार्यान्वित करणे बाबत मनसेने पालिका आयुक्तांना निवेदन दिले.

मनसे निवेदन ● पंढरपूर

अतिवृष्टीमुळे शहरात मोठ्या प्रमाणात पाणी साचले होते, व्यापाऱ्यांचे खूप मोठे नुकसान झाले ह्याबाबत मनसेचे सरचिटणीस श्री दिलीप धोत्रे ह्यांनी मनपा अधिकाऱ्यांना उपाययोजना साठी निवेदन देऊन चर्चा केली.

मनसे निवेदन ● मिरारोड भाईंदर (ठाणे)

मनविसे मिराभाईंदर शहरअध्यक्ष हेमंत सावंत यांच्या मार्गदर्शनाखाली शिक्षणमंत्री वर्षा गायकवाड यांना मिराभाईंदर शहरातील पालकांना शाळेच्या शुल्कामध्ये ५०% सवलत व शाळेचे शुल्क भरण्याची सक्ती करणाऱ्या खाजगी शिक्षण संस्थेवरती कायदेशीर कारवाई करावी या मागणीसाठी निवेदन देण्यात आले.

मनसे निवेदन ● आंबिवली (कल्याण,ठाणे)

मनसे मा. आमदार श्री प्रकाशजी भोईर यांच्या नेतृत्वात आंबिवली स्टेशन प्लॅटफार्म क्रमांक १ वर नवीन तिकीट घर उभारण्यात यावे अशा मागणीसाठी मनसेकडून स्थानिक रेल्वे प्रशासन अधिकारी यांना निवेदन देण्यात आले.

मनसे निवेदन ● पुणे

हॉस्पिटल मध्ये मेडिकल बिलांमध्ये सामान्य नागरिकांना छळतात त्यांच्यावर कारवाई होत नाही म्हणून FDA  च्या अधिकाऱ्यांना मनसे सरचिटणीस/ पुणे मनपा नगरसेवक श्री वसंत मोरे ह्यांनी निवेदन दिले.

मनसे इशारा ● सिंधुदुर्ग

अवैध वाळू उपसा विरोधात देवली, आंबेरी, चिपी येथील शेतकरी ग्रामस्थांसोबत मनसे आहे. वेळ प्रसंगी ग्रामस्थांना सोबत घेवून जन आंदोलन छेडण्याचा दिला इशारा. असा इशारा मनविसे माजी जिल्हाध्यक्ष अमित इब्रामपूरकर यांनी दिला आहे.

मनसे इशारा ● माळशिरस

तिन महिन्यात मिळणारा कॅशबॅक दहा महिने झाले तरी मिळाला नाही. जर पंधरा दिवसांत काहिच प्रोसेस झाली नाही तर आॕफिसची एक काच ठेवणार नाही. असा इशारा बजाज फायनान्स आॕफीसला मनसेचे माळशिरस तालुकाध्यक्ष श्री रोहित खाडे ह्यांनी दिला आहे.

मनसे इशारा ● पुणे

विद्यापीठाच्या परीक्षेतील वाढते गैरप्रकारामुळे विद्यार्थ्यांना प्रचंड त्रासाला सामोरे जावे लागत आहे. त्यामुळे सदर परिक्षे बाबत आता मनविसे तीव्र आंदोलन करेल असा इशारा मनविसे पुणे शहर अध्यक्ष श्री कल्पेश यादव ह्यांनी दिला आहे.

मनसे आंदोलन ● नांदुरा (जळगाव)

जळगाव जामोद ते नांदुरा रस्त्याचे काम होऊन काही दिवसच उलटले असता भेगा पडलेल्या दिसत आहे जर करोड़ों खर्च करून सुद्धा काम निष्कृष्ट दर्जाचे असेल तर अधिकारी व कंत्राटदार हे जनतेला चुना लावल्याचा आरोप करत मनसेने रस्त्यावर भेगांमध्ये चुना व बेशरम झाड लावून निषेध व्यक्त केला. 

मनसे आंदोलन ● संभाजी नगर

जैन इंटरनॅशनल स्कुल मध्ये फिसाठी तगादा लावला होता. निवेदन देऊन व्यवस्थापन सुधारण्याचे नाव घेत नसल्याने अखेर मनसेने तोडफोड करून दणका दिलाच. आंदोलन कर्त्या महाराष्ट्र सैनिकांना जामीन मंजूर झाला.

मनसे नियुक्ती ● दोडामार्ग (सिंधुदुर्ग)

मनविसे दोडामार्ग शहराध्यक्षपदी श्री सौरव नाईक यांची नियुक्ती मनसे सरचिटणीस श्री परशुराम उपरकर ह्यांनी केली.

मनसे नियुक्ती ● पालघर

श्री संजय नाईक यांच्या नेतृत्वाखाली श्री. विनोद मोरे ह्यांची मनसे वाहतूक सेना पालघर जिल्हा अध्यक्ष पदी नियुक्ती करण्यात आली.

मनसे सत्कार ● पुणे

पुणे वडगावशेरी विधानसभा मतदार संघातर्फे पत्रकार कै. पांडुरंग रायकर यांच्या स्मरणार्थ पत्रकारांचा कोरोना योद्धा कृतज्ञता सन्मान मनसे नेते बाबू वागसकर, प्रदेश उपाध्यक्ष रणजित शिरोळे, शहर अध्यक्ष अजय शिंदे, शहर उपाध्यक्ष हेमंत बत्ते यांच्या हस्ते करण्यात आला. आयोजन मनसे वि.अध्यक्ष सुनिल कदम ह्यांनी केले होते.

मनसे सत्कार ● सिंधुदुर्ग

नीट परीक्षेत राज्यात अव्वल आलेल्या  आशिष अविनाश झांटये याचा मनसेच्या वतीने श्री परशुराम उपरकर आणि सहकाऱ्यांनी सत्कार केला.

मनसे उद्घाटन ● मुंबई

मुंबई प्रभाग क्रमांक ९४ चे शाखा अध्यक्ष श्री रुपेश मालुसरे ह्यांच्या पक्ष कार्येलयाचे उद्घाटन मनसे वाहतूक सेनेचे अध्यक्ष/सरचिटणीस श्री संजय नाईक ह्यांच्या हस्ते झाले.

मनसे उपक्रम ● नेरुळ (नवी मुंबई, ठाणे)

नवरात्रोत्सवच्या निमित्ताने प्रभाग क्रमांक ८३ च्या वतीने मनसे महिला उपशहर अध्यक्षा सौ अनिथा नायडू ह्यांच्या पुढाकाराने विविध प्रकारच्या स्पर्धांचे आयोजन करण्यात आले आहे.

मनसे भेट ● संभाजीनगर

संभाजीनगर येथील कलाकार श्री अमर वानखेडे कोविड मुळे उपासमारीची वेळ आल्यामुळे आंदोलन करत होते. मनसे जिल्हा अध्यक्ष श्री सुहास दशरथे ह्यांनी भेट घेऊन मनसेचा पाठिंबा असल्याचे जाहीर केले.

मनसे भेट ● संभाजी नगर

संभाजीनगर मनपा आयुक्त श्री पांडे यांची वाढदिवसाच्या निमित्ताने श्री सुहास दशरथे (मनसे जिल्हा अध्यक्ष) यांनी भेट घेऊन शहरातील अनेक प्रश्नांवर चर्चा केली.

मनसे मोर्चा ● कर्जत (रायगड)

मनसे महिला सेनेने महिला बचत गटांचे कर्ज माफ करण्यासाठी आज मोर्चा काढला, मायक्रो फायनान्स ह्यांच्या दंडेलशाही विरोधात सरकारने लवकर कारवाई करावी बचत गटातील महिलांना न्याय मिळवून द्यावा अशी प्रमुख मागणी होती.

मनसे मेळावा ● सांगली

अवकाळी पावसामुळे शेतकऱ्यांचे खूप मोठे नुकसान झाले असल्याने जिल्ह्याध्यक्ष श्री तानाजी सावंत ह्यांनी पदाधिकाऱ्यांची बैठक बोलवून कार्येकर्त्याना सरकारी कामावर देखरेख ठेवून जास्तीत जास्त शेतकऱ्यांना सरकारी योजनेचा लाभ कसा होईल यासाठी मार्गदर्शन केले.

मनसे मेळावा ● नवी मुंबई

विद्यार्थी, पालकांना भेडसावणा-या शैक्षणिक प्रश्नांवर आक्रमक हाेण्याचा मनविसेचा मानस. मनसे नवी मुंबई विद्यार्थी सेनेची बैठक श्री गजानन काळे (मनसे शहराध्यक्ष) यांच्या उपस्थितीत संपन्न झाली.

मनसे दणका ● मुंबई

मराठीच्या मुद्द्यावर मनसेने इशारा दिल्यानंतर फ्लिपकार्टवर सध्या उपलब्ध असलेल्या भाषांसह इतर भाषांमध्येही अॅप उपलब्ध असेल. भारतात विविध भागात पोहोचण्यासाठी विविध भाषा आणि व्हॉइस सॉल्यूशनचा वापर येईल, अशी माहिती फ्लिपकार्टच्या अधिकाऱ्यांनी दिली आहे.