दिनांक ०९-१०/११ /२०२० ◆ मनसे बातमीपत्र
राजसाहेब ◆ भेट ◆ दादर(मुंबई)
नाटक कलाकार,निर्माते आणि दिग्दर्शकांनी मनसे अध्यक्ष राज ठाकरेंची घेतली भेट, नाटक सुरु करण्यासंदर्भात येणा-या अडचणी राज ठाकरेंसमोर मांडल्या .
राजसाहेब ◆भेट ◆ दादर
केबल व इंटरनेट व्यावसायिकांनी मनसे अध्यक्ष श्री. राजसाहेब ठाकरे यांची कृष्णकुंज निवस्थानी भेट घेऊन आपल्या समस्या मांडल्या.
राजसाहेब ◆ मनसेप्रवेश ◆ दादर
मनसे नवी मुंबई शहराध्यक्ष श्री गजानन काळे ह्यांच्या नेतृत्वाखाली नवी मुंबई शहरातील वेगवेगळ्या पक्षातील कार्येकर्त्यांनी आज कृष्णकुंज येथे मनसे अध्यक्ष श्री राजसाहेब ठाकरे ह्यांच्या उपस्थितीत पक्षप्रवेश केला.
मनसे ◆पक्षप्रवेश ◆सिन्नर
सिन्नर तालुक्यात शहा गावात मनसेच्या शाखेचे उद्घाटन करण्यात आले,सिन्नर तालुका मनसे अध्यक्ष श्री विलास सांगळे ह्यांच्या प्रयत्नांनी शहा गावातील तरुणांनी मनसे पक्षात प्रवेश केला.
मनसे ◆मनसे प्रवेश ◆ चिपळूण(रत्नागिरी)
चिपळूण तालुकाध्यक्ष श्री संतोष नलावडे ह्यांच्या नेतृत्वाखाली तालुक्यातील विविध पक्षातील तरुण कार्येकर्त्यांनी मनसे सरचिटणीस श्री वैभव खेडेकर ह्यांच्या उपस्थितीत मनसे पक्षात प्रवेश केला.
मनसे ◆पक्षप्रवेश ◆नाशिक
नाशिक-अंबड येथील एम एस इंडस्ट्रीयल कॉम्पोनेटस् लि
(M S INDUSTRIAL COMPONENTS LTD)कंपनी मधील कामगारांनी मनसे- कामगार सेनेचे सभासत्व श्री सचिन गोळे(संयुक्त सरचिटणीस)यांच्या नेतृत्वाखाली स्वीकारले.यावेळी मनसे नाशिकचे पदाधिकारी उपस्थित होते.
मनसे◆पक्षप्रवेश ◆ उल्हासनगर(ठाणे)
उल्हासनगर शहरातील विविध पक्षातील तरुण कार्येकर्त्यांनी मनसेचे श्री सचिन कदम(जिल्हाध्यक्ष ) ह्यांच्या उपस्थितीत पक्षप्रवेश केला.
मनसे ◆भेट ◆डोंबिवली(ठाणे)
डोंबिवलीतील मानपाडा रस्त्याची दुरवस्था झाली आहे, त्याची तातडीने दुरुस्ती व्हावी ह्या मागणीसाठी पक्षाचे आमदार श्री राजू पाटील ह्यांनी राज्याचे सार्वजनिक बांधकाम मंत्री मा.श्री. अशोक चव्हाण ह्यांची भेट घेतली.
मनसे ◆यश ◆नाशिक
मनसेचे नाशिक मधील पदाधिकारी श्री विक्रम कदम ह्यांनी शहरातील अपघाती भागात गतिरोधक लावण्याची मागणी मागील अनेक दिवसांपासून लावून धरली होती,अखेर त्यांच्या पाठपुराव्याला यश आले आहे.गतिरोधक बसवण्याचे काम चालू.
मनसे-कामगार सेना ◆यश◆मुंबई
भारतीय पोस्ट च्या संकेतस्थळ वर फक्त हिंदी आणि इंग्रजी भाषेत माहिती मिळत होती मनसेचे कामगार सेनेचे अध्यक्ष श्री मनोज चव्हाण यांनी पत्रव्यवहार करून मराठीची मागणी केली,पोस्टाकडून मराठी संकेतस्थळ बाबत हालचाली चालू.
मनसे ◆ यश ◆मीरा भाईंदर(ठाणे)
मीरा भाईंदर शहरातील शांतीनगर सेक्टर १,२,४ मधील अतिक्रमण हटवण्यासाठी मनसेचे शहर सचिव श्री नितीन अंडागळे ह्यांनी निवेदन द्वारे मागणी केली होती ,मनपाने अखेर आज कारवाई केली,सदर विभाग नागरिकांना रहदारी साठी मोकळा झाला.
मनसे ◆ यश ◆ धाराशिव
धाराशिव जिल्ह्यातील तुळजापूर तालुक्यातील तलमोड येथील नियमबाह्य टोल वसुलीच्या विरोधात मनसेने निवेदन दिले होते पोलीस उपाधीक्षक यांच्याकडून मनसेच्या निवेदनाची दखल घेण्यात आली,चौकशी सुरू झाली.
मनसे -कामगार सेना◆यश ◆ रोहा(रायगड)
श्री राजेश भास्कर उज्जैनकर (उपाध्यक्ष,मनसे-कामगार सेना) यांच्या नेतृत्वाखाली "कोरस इंडिया लिमिटेड"(रोहा,रायगड) कंपनीत कामगारांच्या हक्काच्या मागण्यासाठी धडक देण्यात आली,मनसे शिष्टमंडळाच्या पुढाकाराने कंपनी व्यवस्थापनाने सर्व मागण्या मान्य केल्या.
मनसे ◆ यश ◆मालवण(सिंधुदुर्ग)
मालवण तालुक्यात कर्ली खाडी किनाऱ्यावरील आंबेरी येथील अनधिकृत वाळू उपसा होत होता त्याविरोधात मनसेने निवेदन दिले होते,वाळू वाहतूक करणारे रॅम्प महसूलच्या पथकाने उदध्वस्त करण्यात आले आहे.
मनसे-चित्रपट सेना◆उद्घाटन◆पुणे
मनसे चित्रपट सेनेच्या कार्यालयाचे उद्घाटन बुधवार दिनांक ११ नोव्हेंबर रोजी पुण्यात चित्रपट सेनेचे अध्यक्ष श्री अमेय खोपकर ह्यांच्या उपस्थितीत होणार आहे.
मनसे-कामगार सेना◆उद्घाटन◆नवी मुंबई(ठाणे)
इंडियन न्युमॅटीक अँड हायड्राॅलीक कंपनी प्रा.लि कंपनीचा "युनिट नामफलक अनावरण सोहळा" संपन्न झाला तसेच मनसेच्या कामगार संघटनेच्या पदाधिकाऱ्यांनी कामागरांशी संवाद साधला.यावेळी श्री निलेश बाणखेले(नवी मुंबई शहर उपाध्यक्ष) श्री.राज पार्टे(चिटणीस-कमागर सेना) व सहकारी उपस्थित होते.
मनसे ◆ निवेदन ◆ मालवण (सिंधुदुर्ग)
मालवण तालुक्यात होत असलेला बेकायदेशीर वाळू उपसाच्या विरोधात कारवाई करण्यात यावी ह्यासाठी मालवण मनसेच्या पदाधिकाऱ्यांनी तहसीलदार कार्यालयात निवेदन दिले.
मनसे ◆ निवेदन ◆ रत्नागिरी
कोकणातील शेतकऱ्यांच्या जमिनी फसवणूक करून परप्रांतीयांच्या घशात घालण्याचा डाव उद्ध्वस्त करण्यासाठी सदर जमीन गैरव्यवहारांच्या चौकशी करण्याची मागणी मनसेचे श्री सतीश र नारकर (उपाध्यक्ष - महाराष्ट्र राज्य )
यांनी जिल्हाधिकारी यांच्याकडे निवेदन द्वारे केली आहे.
मनसे ◆ निवेदन ◆ नागपूर
कळमेश्वर(नागपूर) शहरातील सर्वसाधारण जनतेला मोठमोठे स्वप्न दाखवून फसवणूक करणाऱ्या संत नरहरी लँड डेव्लपर कळमेश्वर च्या विरोधात मनसेकडे तक्रारी आल्या,मनसे कळमेश्वर तालुक्याच्या वतीने तात्काळ मा.पोलीस अधिक्षक नागपूर ग्रामीण यांची भेट घेऊन कारवाईची मागणी केली.
मनसे -महिला सेना◆ निवेदन ◆अणुशक्ती नगर(मुंबई)
मुंबई मनपाचे देवनार विभागात असलेले प्रसुतीगृह बंद असल्याने विभागातील गरोदर महिलांना शीव इस्पितळात यावे लागते,मनसेच्या अणुशक्ती नगर विधानसभा महिला अध्यक्षा सौ. अमिता गोरेगावकर ह्यांनी मनपा अधिकाऱ्यांना निवेदन दिले.
मनसे -शेतकरी सेना◆निवेदन ◆वर्धा
कपाशीवर आलेल्या बोण्ड अळीमुळे प्रशासनाने शेतकऱ्यांचा शेतात जाऊन तात्काळ पंचनामे करून हेक्टरी 40 हजार रुपये आर्थिक मदत द्यावी यासाठी मनसे शेतकरी सेनेचे वर्धा जिल्हा अध्यक्ष श्री किशोर चांभारे यांच्या नेतृत्वाखाली कृषी अधिकाऱ्यांना निवेदन देण्यात आले.
मनसे - विद्यार्थी सेना◆निवेदन ◆संभाजीनगर
अभियांत्रिकी विद्यार्थ्यांना शैक्षणिक शुल्क वगळता इतर कोणतेही शुल्क आकारू नयेत असे सरकारी आदेश असताना विद्यार्थ्यांकडून शुल्क आकारले जात आहे.
सहसंचालक ह्यांनी स्वतः लक्ष घालावे अशी मागणी मनविसे संभाजीनगरच्या वतीने श्री राजीव जावळीकर ह्यांच्या नेतृत्वात निवेदन देऊन करण्यात आली.
मनसे ◆ निवेदन ◆ ठाणे
ठाणे मनपा अग्निशमन विभागाशी संबंधित संपर्क माहिती संकेतस्थळ वर उपलब्ध नाहीय,दिवाळीत फटाके व तात्पुरती वीज जोडणीमुळे आग लागण्याची शक्यता असल्याने,आपत्कालीन संपर्क करण्यासाठी मनपाने संकेतस्थळ अपडेट करावे,यासाठी मनसे ठाणे शहर अध्यक्ष श्री रविंद्र मोरे यांनी मनपा आयुक्तांना निवेदन दिले.
मनसे ◆निवेदन ◆ नाशिक
भगुर (नाशिक)शहरातील मुख्य रस्ता रेल्वे लाईनच्या खालचा नविन बोगदा नागरिकांना ये जा करण्यासाठी अतिक्रमण हटवावे या मागणीसाठी नाशिक तहसीलदार यांना मनसेचे जिल्हा उपाध्यक्ष श्री रमेश खांडबहाले,भगुर शहराध्यक्ष श्री कैलास भोर ह्यांनी सहकाऱ्यांसह निवेदन दिले.
मनसे - रोजगार विभाग ◆ निवेदन ◆नवी मुंबई (ठाणे)
नवी मुंबईतील सर्व डी मार्ट, रिलायन्स मार्ट , रिलायन्स डिलिव्हरी या आस्थापनांनी ८०% मराठी तरुणांना नोकरी द्यावी,अशी मागणी मनसेच्या रोजगार विभागाने कंपनी व्यवस्थापनाला निवेदन देऊन केली आहे.
मनसे -विद्यार्थी सेना◆निवेदन ◆ साक्री,धुळे
साक्री, जि.धुळे येथील प्रचिती इंटरनॅशनल स्कूल मध्ये मराठी डावलून हिंदीची सक्ती करण्यात येत असल्याची माहिती मिळताच मनविसेच्या धुळे उपजिल्हाध्यक्षा सायली सोनवणेयांच्या नेतृत्वाखाली निवेदन देण्यात देण्यात आले.
मनसे ◆ निवेदन ◆राळेगाव(यवतमाळ)
अतिवृत्तीमुळे शेतकऱ्याच्या पिकांचे अतोनात नुकसान झाले आहे,नुकसान भरपाई म्हणून नुकसान ग्रस्त शेतकऱ्यांचे तात्काळ पंचनामे करून त्यांना सरसकट ५० हजार रुपये हेक्टरी मदत द्यावी ह्या मागणीसाठी मनसे राळेगावच्या वतीने श्री शंकर वरघट(तालुकाध्यक्ष ) ह्यांनी तहसीलदार यांना निवेदन दिले.
मनसे ◆ निवेदन ◆घाटगी(यवतमाळ)
यवतमाळ : घाटंजी तालुक्यात पुरवठा विभागात मोठी अफरातफर झाली असून पुरवठा विभागाकडून आलेले कडधान्य वाटपच झाले नाही, याची तात्काळ चौकशी करून दोषींवर कारवाई करा अशी मागणी मनसेचे घाटंजी नगरसेवक गजानन भालेकर यांनी सहकाऱ्यांसह संबंधित अधिकाऱ्यांकडे निवेदन दिले.
मनसे ◆ निवेदन ◆ पुणे
पुणे आळंदी शहरातील खड्डे बुजवणे, स्पीड ब्रेकर लावणे व ड्रेनेज लाईन सारख्या गंभीर समस्यावर मनसेचे शहर अध्यक्ष श्री निलेश घुंदरे यांनी सहकाऱ्यांसह आळंदी नगरपरिषद मुख्याधिकारी ह्यांना निवेदन दिले.
मनसे ◆निवेदन ◆ खानापूर(सांगली)
वाढीव वीजबिल,अवकाळी पाऊस शेतकरी नुकसान,महिला बचत गट,दूध दर ह्या मुद्यावर मनसे खानापूर तालुका अध्यक्ष श्री साजिद आगा यांच्या नेतृत्वाखाली तहसीलदार ह्यांना निवेदन देण्यात आले.
मनसे ◆उपक्रम ◆भांडुप(मुंबई)
कोरोना रोगराईमुळे आलेले आर्थिक संकट पाहता,मनसे शाखा ११० चे शाखा अध्यक्ष श्री. मोहन चिराथ(भांडुप,मुंबई) यांच्यातर्फे दिवाळी निमित्त स्वस्त दरात साखर वाटप करण्यात आले.
मनसे ◆उपक्रम ◆भांडुप(मुंबई)
दिवाळीनिमित्त सुगंधी उटणे वाटप करण्याचा उपक्रम मनसे राजगड ११२ शाखाअध्यक्ष सुनिल नारकर यांनी हाती घेतला आहे.
मनसे-विद्यार्थी सेना◆उपक्रम ◆दहिसर(मुंबई)
कोविड रोगराईमुळे अर्थिक संकटात सापडलेल्या सामान्य कुटुंबाना मनसेच्या वतीने मनविसे दहिसर विभाग सचिव श्री. किरण गायकवाड आणि उपविभाग सचिव श्री. प्रथमेश पाटेकर यांच्या पुढाकाराने मोफत पणतीचे वाटप.
मनसे -विद्यार्थी सेना ◆उपक्रम ◆ठाणे
मनविसे प्रभाग क्र-३ आयोजित " सेल्फी विथ रांगोळी " स्पर्धा दि.१३ नोव्हेंबर ते १६ नोव्हेंबर पर्यंत आयोजित केली आहे.
मनसे ◆सामाजिक ◆भांडुप
प्रभाग क्रमांक ११२ येथे ईश्वर नगर परिसरात मनसेचे उपशाखा अध्यक्ष श्री ओंकार नाईक,शाखा अध्यक्ष श्री सुनील नारकर ह्यांच्या प्रयत्नांनी डासांच्या नायनाटसाठी जंतूनाशक धुर फवारणी करण्यात आली.
मनसे ◆सामाजिक ◆डोंबिवली
मा.सरपंच योगेश रोहिदास पाटील (घारीवली, डोंबिवली)
यांच्या पुढाकाराने मनसे तर्फे साडेतीनशे विद्यार्थ्यांना मनसे आमदार राजू पाटील यांच्या उपस्थितीत विद्यार्थ्यांना शैक्षणिक साहित्याचे वितरण
मनसे ◆ उपोषण ◆विरार(पालघर)
कोरोना काळात वीज वितरण कंपन्यांकडून होत असलेली लूट लक्षात घेत सरकारने ह्यावर तोडगा काढणे अपेक्षित होते पण सरकार नऊ महिने होऊन गेले तर ह्यावर अजून निर्णय घेऊ शकले नाही,मनसेचे श्री महेश पालांडे ह्यांनी आजपासून आमरण उपोषण हे शस्त्र बाहेर काढले आहे.
मनसे -परिवहन सेना◆आंदोलन ◆ संभाजीनगर
एस टी कामगारांच्या आत्महत्या हे सरकारचे अपयश आहे,एस
टी कामगारांवर होणारा अन्याय थांबावा ह्या मागणीसाठी मनसे परिवहन कामगार सेनेकडून उद्या सकाळी संभाजीनगर येथे आंदोलन करण्यात येणार आहे.
मनसे ◆आंदोलन ◆ अंधेरी
जुहू येथील भूमीपुत्रांची गुजराती बिल्डरच्या साथीने घरे उध्वस्त करणाऱ्या अधिकाऱ्यांना मनसेच्या वतीने श्री सुरेश धुरी(विभाग अध्यक्ष) यांच्या नेतृत्वाखाली विटा माती देऊन आंदोलन.
मनसे -कामगार सेना◆इशारा◆मुंबई
माझ्या कामगारांच्या घरी दिवाळीचा दिवा नाही लागला तर, मी PF Office ला दिवाळी होऊ देणार नाही,सर्व पी एफ ॲाफीस ला काळे कंदिल लावेन असा इशारा श्री गजानन राणे (मनसे कामगार सेना सरचिटणीस) PF कार्यालयाला दिला आहे.
मनसे ◆दणका◆ दहिसर
दहिसर विधानसभा क्षेत्रातील सेंट मेरी शाळा व्यवस्थापन कडून विद्यार्थी/पालकांकडे फिसाठी तगादा लावण्यात येत होता,मनसे दहिसर विधानसभा अध्यक्ष श्री राजेश येरूनकर यांच्या नेतृत्वाखाली धडक देताच शाळा व्यवस्थापनने ह्यापुढे असा कोणताही प्रकार होणार नाही ह्याची ग्वाही दिली.
मनसे ◆भूमिका ◆ मुंबई
राज्य शासनाने वेतन थकवल्याने दोन ST कामगारांनी आत्महत्या केली,त्या परिवारातील सदस्यांना सरकारने शासकीय नोकरी द्यावी आणि पुन्हा आत्महत्या करण्याची वेळ येणार नाही अशी सरकारने तरतूद करावी अशी मागणी मनसे नेते श्री बाळा नांदगावकर ह्यांनी केली आहे.
मनसे◆ भूमिका ◆ पनवेल(रायगड)
अपंग लोकांच्या स्टॉलवर अतिक्रमण विभाग कारवाई करत आहे त्या विरोधात मनसेच्या यतिन देशमुख यांनी पनवेल महापालिके समोर आक्रमक पवित्रा घेतला.या वेळी मनसेचे अमोल पाटील, सिद्धेश पावले, अतुल जाधव, संजय मुरकुटे, प्रतीक वैद्य आणि आकाश घाटे आदी उपस्थित होते.
मनसे-नेते ◆ भूमिका ◆ मुंबई
ST कर्मचाऱ्यांचा थकित पगारावरून मनसे नेते श्री बाळा नांदगावकर ह्यांनी सरकारचे कान टोचत आत्महत्या होऊ नये म्हणून सरकारने कायमस्वरूपी उपाययोजना करावी अशी मागणीही केली आहे.
मनसे- विद्यार्थी सेना◆मेळावा◆संगमेश्वर(रत्नागिरी)
मनविसे संगमेश्वर तालुका संपर्क अध्यक्ष श्री दिनेश मांडवकर ह्यांनी दोन दिवसांचा संगमेश्वर तालुका दौरा केला,त्यांच्या सोबत तालुका अध्यक्ष श्री अनुराग कोचीरकर व इतर सहकारी उपस्थित होते.दौऱ्याची सांगता कार्येकर्ता मेळाव्याने झाली.
मनसे ◆ दणका ◆कल्याण
मोहने वडवली ब्रिजचे काम अत्यंत संथ गतीने चालू आहे,मनसेचे कल्याण चे माजी आमदार श्री प्रकाश भोईर आणि उप शहराध्यक्ष श्री दिनेश भोय यांनी सहकाऱ्यांसह कामाची पाहणी करून सदर ठेकेदारला संथ कामाचा जाब विचारला.
मनसे◆ बैठक/मेळावा ◆पुणे
पुणे पदवीधर निवडणुकीच्या पक्षाच्या अधिकृत उमेदवार सौ. रुपाली पाटील ठोंबरे ह्यांच्या निवडणुकीच्या नियोजनासाठी आणि प्रचारासाठी पुण्यात बैठकांच सत्र सुरु.
मनसे -मनपा कर्मचारी सेना◆नियुक्ती ◆वसई विरार
श्री. प्रफुल पाटील यांची महापालिका कामगार सेनेच्या वसई विरार अध्यक्ष पदी नियुक्ती करण्यात आली.
मनसे -वाहतूक सेना◆नियुक्ती◆बेलापूर(ठाणे)
नवी मुंबई शहरातील बेलापूर विधानसभा क्षेत्रातील मनसे वाहतूक सेनेच्या नियुक्या मनसे सरचिटणीस श्री संजय नाईक(अध्यक्ष, मनसे वाहतूक सेना) यांच्या नेतृत्वाखाली करण्यात आल्या.
मनसे -विद्यार्थी सेना ◆नियुक्ती ◆नाशिक
मनविसे नाशिकची आढावा बैठक पळसे येथे संपन्न झाली,मनसे तालुकाध्यक्ष श्री सुनिल गायधनी ह्यांच्या नेतृत्वाखाली हा मेळावा संपन्न झाला. तालुक्यात मनविसेच्या नियुक्त्या करण्यात आल्या.
मनसे -विद्यार्थी सेना ◆नियुक्ती◆कामोठे(पनवेल, रायगड)
मनसे-विद्यार्थी सेना कामोठे शहरातील पदाधिकारी यांची नियुक्ती मनविसे अध्यक्ष आदित्य शिरोडकर साहेब यांच्या हस्ते पत्रक देऊन करण्यात आली. त्यावेळी रायगड जिल्हाध्यक्ष अतुल भगत , मनविसे जिल्हाध्यक्ष ऍड अक्षय काशिद उपस्थित होते.
मनसे -महिला सेना ◆नियुक्ती ◆चिपळूण
मनसे महिला सेना चिपळूण तालुका अध्यक्षपदी अस्मिता पेंढामकर यांची नियुक्ती श्री संतोष नलावडे(मनसे चिपळूण तालुकाध्यक्ष) यांच्या नेतृत्वाखाली करण्यात आली.
