३० नोव्हेंबर २०२०, मनसे कार्याची दैनंदिनी

दिनांक ३० नोव्हेंबर २०२० ◆ मनसे बातमीपत्र

मनसे - कामगार सेना ◆ कार्यालय उद्घाटन◆ माहीम(मुंबई)

मनसे कामगार सेनेच्या नवीन कार्यालयाचे उद्घाटन आज माहीम येथे सौ.शर्मिला राजसाहेब ठाकरे आणि श्री अमित राजसाहेब ठाकरे ह्यांच्या हस्ते झाले.यावेळी मनसे कामगार संघटनेचे सर्व पदाधिकारी उपस्थित होते

मनसे◆ पक्षप्रवेश ◆ कल्याण(ठाणे)

कल्याण तालुका अध्यक्ष श्री अश्विन भोईर ह्यांच्या नेतृत्वाखाली  "म्हारळ" गावातील तरुणांनी आज मनसे पक्षात प्रवेश केला.

मनसे ◆ पक्षप्रवेश ◆ बीड

बीड जिल्ह्यातील पेठ बीड,पुनर्वसन कॉलनी येथील अनेक तरुणांनी मनसे राज्य उपाध्यक्ष श्री अशोक तावरे, जिल्हा अध्यक्ष श्री वैभव काकडे ह्यांच्या उपस्थितीत पक्षप्रवेश केला.

मनसे ◆ पक्षप्रवेश ◆ नागपूर

उत्तर नागपूर येथील नारी रोड मानस मंदिर चौक येथे विविध पक्षातील कार्येकर्त्यांनी मनसे नेते श्री हेमंत गडकरी ,शहराध्यक्ष अजय डोके महिला सेना अध्यक्षा संगीता सोनटक्के यांच्या उपस्थितीत पक्षप्रवेश केला.

मनसे ◆ पक्षप्रवेश ◆ ठाणे

ठाणे मनपा प्रभाग क्रमांक  ४(नळपाडा,कापूरबावडी) येथील तरुणांनी आज मनसे ठाणे पालघर जिल्हा अध्यक्ष श्री अविनाश जाधव,ठाणे शहर अध्यक्ष श्री रविंद्र मोरे ह्यांच्या उपस्थितीत पक्षप्रवेश केला.

मनसे ◆ निवेदन ◆ नवी मुंबई (ठाणे)

नवी मुंबई येथे घरातील एक सदस्याची कोरोना टेस्ट करून इतर सदस्यांच्या टेस्ट केल्या असे दाखवून मोठा भ्रष्टाचार होत होता,संबंधित अधिकारी निलंबित झाला असला तरी सदर बाब गंभीर आहे,ह्याची सखोल चौकशी करण्याची मागणी मनसेचे शहर अध्यक्ष श्री गजानन काळे ह्यांनी आयुक्तांकडे केली.

मनसे ◆ निवेदन ◆गुहागर(रत्नागिरी )

गुहागर तालुक्यातील शृंगारतळी ते ओंकार मंगल कार्यालय रस्त्यावर खड्ड्यांचे साम्राज्य असल्याने नागरिकांना ह्याचा नाहक त्रास सहन करावा लागत आहे,रस्ता दुरुस्ती करण्यात यावा यासाठी मनसेचे तालुका अध्यक्ष श्री विनोद जानवळकर ह्यांनी आपल्या सहकाऱ्यांसह संबंधित कंत्राटदाराला निवेदन दिले. 

मनसे ◆ मागणी ◆ कल्याण डोंबिवली(ठाणे)

दिशा कायदा राज्यात लवकरात लवकर लागू करा अशी मागणी मनसेचे आमदार राजू पाटील यांनी गृहमंत्र्यांकडे केली आहे.

मनसे ◆ पर्दाफाश◆ ठाणे

ठाणे मनपाने "बाईक रुग्णवाहिका" लाखो रुपये खर्च करून राबवली,आयुक्तांच्या आदेशाला मनपा अधिकाऱ्यांनी केराची टोपली दाखविल्याने "बाईक रुग्णवाहिका"सध्या धूळ खात पडली आहे आणि  फाईल ने आण करण्यासाठी तिचा वापर होतोय ह्याचा पर्दाफाश मनसेचे श्री स्वप्निल महिंद्रकर केला आहे.

मनसे ◆ कार्य◆ खेड(रत्नागिरी)

खेड शहरात गांधी चौक येथे महिलांसाठी खेड नगरपरिषद कडून शौचालय बांधण्यात आले होते, याचा लोकार्पण सोहळा खेड नगराध्यक्ष श्री वैभव खेडेकर ह्यांच्या हस्ते करण्यात आला.

मनसे ◆ कार्य◆ मालाड(मुंबई)

मालाड मढ येथील ३० कोळी बांधवांचा DTS कंपनीने ७ महिने वेतन थकवले होते,प्रभाग क्र ४९ चे शाखा अध्यक्ष श्री सुनील घोंगे ह्यांच्याकडे तक्रार येताच श्री घोंगे ह्यांनी सहकाऱ्यांसह कंपनी व्यवस्थापनला मनसे दणका दिला & ३ महिन्याचे वेतन ३ दिवसांत मिळवून दिले.कामगारांनी भेट घेऊन आभार मानले. 

मनसे - महिला सेना◆ कार्य ◆ विलेपार्ले(मुंबई)

मुंबई विलेपार्ले प्रभाग क्रमांक ८५ महिला शाखा अध्यक्षा सौ बिजल शाह वाही ह्यांनी पथदिवे बंद असल्याने अदानी कडे पाठपुरावा करून पथदिवे चालू करून घेतले. 

मनसे ◆ कार्य ◆ टिटवाळा(कल्याण,ठाणे)

टिटवाळा पूर्व RK नगर येथे कचरा उचलण्यासाठी कल्याण डोंबिवली मनपाची घंटागाडी येत नसल्याने मनसेच्या वतीने श्री भूषण जाधव(शाखा अध्यक्ष) ह्यांनी मनपाकडे पाठपुरावा करून टिटवाळा पूर्व येथे घंटागाडी चालू करून घेतले,मनसेमुळे आता नियमित कचरा उचलला जातो.

मनसे ◆ कार्य◆ अंधेरी, मुंबई

मुंबई मनपा प्रभाग क्रं ५९ मधील सात बांगला,दादाभाई नौरोजी उद्यान येथे रस्त्यावर मोटारसायकल स्लिप होण्याचे प्रमाण वाढले असल्याने मनसेचे शाखा अध्यक्ष श्री राजेश कारके ह्यांनी मनपा अधिकाऱ्यांकडे तक्रार करून रस्त्याची दुरुस्ती करून घेतली.

मनसे ◆ आंदोलन ◆ कुडाळ(सिंधुदुर्ग)

मुंबई गोवा महामार्ग मध्ये जे प्रकल्प ग्रस्त आहेत त्यांना त्यांचे हक्क अद्याप मिळाले नाही आहेत,स्थानिकांच्या हक्कांसाठी मनसेने वेळोवेळी निवेदन दिले पण ढिम्म प्रशासनाला जाग नाही आणि प्रशासनाला जागे करण्यासाठी मनसेकडून ३ डिसेंबर रोजी आंदोलन करण्यात येईल अशी माहिती कुडाळ तालुकाध्यक्ष श्री प्रसाद गावडे ह्यांनी दिली आहे.

मनसे ◆ भेट ◆ लातूर

औसा(लातूर) पंचायत समिती सदस्य तथा माजी उपसभापती सौ. रेखाताई शिवकुमार नागराळे ह्यांनी शिवली परिसरात केलेल्या विकास कामाचे उद्घाटन व लोकार्पण करण्यासाठी उपस्थित रहावे म्हणून आदरणीय श्री. राज साहेब ठाकरे तसेच मनसे नेते श्री. अमितसाहेब ठाकरे ह्यांना निमंत्रण दिले.

मनसे- रस्ते आस्थापना ◆ नियुक्ती◆ खेड(पुणे)

खेड तालुका मनसे रस्ते आस्थापना विभाग संघटक पदी श्री प्रसाद बोराटे ह्यांची नियुक्ती करण्यात आली.

मनसे ◆ उपक्रम ◆ खेड(रत्नागिरी)

मनसे खेड च्या वतीने "नगराध्यक्षांना पत्र,आकाश कंदील स्पर्धा,रांगोळी स्पर्धा,किल्ला स्पर्धा(लहान गट/मोठा गट) अश्या स्पर्धांचे आयोजन दीपावली निमित्ताने करण्यात आले होते.खेड नगराध्यक्ष श्री वैभव खेडेकर ह्यांच्या वाढदिवसाच्या दिनी बक्षीस वितरण सोहळा संपन्न झाला. 

मनसे ◆ उपक्रम ◆ मंडणगड(रत्नागिरी)

मनसे सरचिटणीस श्री वैभव खेडेकर ह्यांच्या वाढदिवसाचे औचित्य साधून मनसे मंडणगडच्या वतीने "भाऊबीज कार्यक्रमाचे"आयोजन करण्यात आले होते.यावेळी कोरोना काळात जीवाची बाजी लावून काम करणाऱ्या कोविड योध्यांचा भाऊबीज करून सन्मान करण्यात आला. 

मनसे ◆ उपक्रम ◆ खेड(रत्नागिरी)

मनसे सरचिटणीस श्री वैभव खेडेकर ह्यांच्या वाढदिवसाचे औचित्य साधून मनसे खेड चे मनविसे उपशहर अध्यक्ष श्री गणेश बेलोसे ह्यांनी गुलमोहर पार्क येथे नागरिकांच्या सेवेसाठी आसन व्यवस्था केली.

मनसे ◆ उपक्रम ◆ खेड

मनसे सरचिटणीस श्री वैभव खेडेकर ह्यांच्या वाढदिवसाच्या निमित्ताने आज मनसे खेडच्या वतीने विठ्ठल रुक्मिणी मंदिर खेडे येथे आरोग्य शिबिराचे आयोजन करण्यात आले होते.

मनसे ◆ उपक्रम ◆ पुणे

NIBM कौसरबाग (कोंढवा, पुणे)परिसरात मनसे नगरसेवक श्री साईनाथ बाबर ह्यांच्यातर्फे  ॲक्युप्रेशर थेरेपी शिबीराचे उद्घाटन संपन्न झाले.यावेळी परिसरातील नागरिक मोठ्या संख्येने उपस्थित होते,नागरिकांनी मनसे नगरसेवक श्री साईनाथ बाबर ह्यांचे आभार मानले.

मनसे ◆ उपक्रम ◆ कल्याण डोंबिवली(ठाणे)

सरकारी पक्ष सध्या "हिंदी भवन"  उभारण्यात व्यस्त असल्याने त्यांना "आगरी कोळी वारकरी भवन" कडे निधी आणि लक्ष द्यायला वेळ नाही,म्हणून मनसे आमदार श्री राजु पाटील स्वखर्चाने "आगरी कोळी वारकरी भवन "उभारणार आहेत.

मनसे ◆ उपक्रम ◆ मीरा भाईंदर(ठाणे)

मनसे मीरा भाईंदर शहर आयोजित "मनसे रोजगार मेळावा" २९  नोव्हेंबर रोजी संपन्न झाला.२५६१ जणांनी मनसे रोजगार मेळाव्यात नोंदणी केली,१३०० जणांना तात्काळ नोकरीवर ठेवून घेण्यात आले आहे.रोजगार मेळाव्याचे आयोजन श्री शान पवार,श्री शशी मेंडन,श्री विक्रम कृपाळ ह्यांनी केले होते.