१९ सप्टेंबर २०२० • मनसे बातमीपत्र
१.अंबरनाथ /मनसे निवेदन
मुसळधार पावसाने अंबरनाथचे चिखलोली धरण ओव्हरफ्लो झाले तरीही त्या धरणातून नागरिकांना पिण्याचे पाणी सोडले जात नसल्याने शिवाजीनगर आणि परिसराची पाणी टंचाई दूर कधी होणार असा प्रश्न मनसेतर्फे पाणी खात्याच्या अधिकाऱ्यांना विचारण्यात आला.निवेदन द्वारे मागणीचे पत्रक दिले.
२.बीड /मनसे मागणी
अतिवृष्टीमुळे ऊस,कापूस,सोयाबीन,मूग,उडीद, बाजरी ह्या पिकांचे खूप नुकसान झाले आहे.शेतकऱ्यांना अर्थिक दिलासा मिळावा ह्यासाठी सरकारने,प्रशासनाने पंचनामे करावेत अशी मागणी मनसे बीडच्या वतीने करण्यात आली आहे.
३.बुलढाणा /मनसे मागणी
बुलढाणा जिल्ह्यातील महिला बचत गटांचे मायक्रो फायनान्स चे कर्ज माफ करण्याची मागणी मनविसेच्या शिष्टमंडळाने जिल्हाधिकारी यांच्याकडे केली आहे.
४.मुंबई /मनसे आंदोलन
मुंबई आणि आजूबाजूच्या शहरातील वाहतूक यंत्रणेवर आलेला ताण, नागरिकांची गर्दी पाहता ट्रेन चालू करण्याची आवश्यकता असल्याचे मनसेने म्हटले आहे.२१ सप्टेंबर ला मनसेच्या वतीने रेल्वेने प्रवास करून सविनय कायदेभंग करणार असे संदीप देशपांडे(मनसे सरचिटणीस)यांनी म्हटले आहे.
५.मुंबई /मनसे मागणी
महाराष्ट्र नवनिर्माण विद्यार्थी सेनेचे अध्यक्ष श्री आदित्य शिरोडकर साहेब ह्यांनी उच्च शिक्षण मंत्री उदय सामंत ह्यांची भेट घेतली.मुंबई विद्यापीठाशी संलग्न स्वायत्त महाविद्यालये भरमसाठ बेकायदेशीर शुल्क (fee) घेत होत असणाऱ्या लूट प्रकरणी कारवाई करण्याची मागणी केली.
६.मुंबई /आंदोलनास पाठिंबा
ट्रेन चालू करण्याच्या मनसेच्या मागणीला प्रवासी संघटना सुद्धा पाठिंबा देत असत असे श्री संदीप देशपांडे यांनी सांगितले.
७.मुंबई /मराठी उद्योजक
"मनसे निर्धार,स्थानिकांना रोजगार" अंतर्गत मराठी युवकाच्या पाणीपुरी केंद्रासाठी मनसेचा पुढाकार.श्री महेंद्र भैसने, श्री.अल्ताफ शेख, श्री विरेंद्र जाधव(मनसे विभाग अध्यक्ष) धनश्री नाईक यांचे आभार त्यांनी नवीन मराठी उद्योजकाला उभे करण्यास मदत केली.
८.मुंबई /पोलखोल
मनसे चे श्री अखिल चित्रे यांनी बृहन्मुंबई महानगरपालिकेच्या भगवती रूग्णालय,बोरीवली येथील भ्रष्ट कारभार व भोंगळ कारभाराची पुराव्यानिशी फेसबुक लाईव्ह करून पोलखोल केली.
९.नवी मुंबई / मनसे मोर्चा
ट्युशन फी व्यतिरिक्त अन्य फी भरण्यास सक्ती करणाऱ्या व फी न भरल्यामुळे विद्यार्थ्यांना ऑनलाइन शिक्षणापासून वंचित ठेवणाऱ्या मुजोर खासगी शाळांना दणका देण्याच्या मागणीसाठी मनसेचा गुरुवारी २४ सप्टेंबर रोजी पाटी पेन्सिल मोर्चा श्री गजानन काळे यांच्या नेतृत्वाखाली होणार आहे.
१०.नवी मुंबई /मनसे आंदोलन
ट्रेन चालू करण्यासाठी नवी मुंबईतून श्री गजानन काळे हे आंदोलनात सहभागी होणार आहेत तर त्यांनी जनतेनेही २१ सप्टेंबर रोजी ह्या आंदोलनात सहभागी व्हावे असे आवाहन केले आहे.
११.नवी मुंबई /मनसे निवेदन
शेतकऱ्यांना मारक कायदा केंद्र सरकारने पारित केला आहे,त्याविरोधात मनसेने APMC मार्केट येथे आंदोलन केले आणि श्री प्रसाद घोरपडे यांच्या नेतृत्वाखाली प्रशासनास निवेदन दिले.
१२.पनवेल /मनसे पक्षप्रवेश
पनवेल खारघर येथिल पक्ष कार्यालयाला मनसे सरचिटणीस संदीप देशपांडे यांनी भेट दिली,विविध पक्षातील कार्यर्त्यांनी त्यांच्या उपस्थित मनसे पक्षात प्रवेश केला.
१३.पुणे /मनसे उपक्रम
मनसे सरचिटणीस श्री वसंत मोरे यांच्या पुढाकाराने पुणे महानगरपालिका क्षेत्रात लवकरच "मनसे कोविड १९ हेल्पलाईन केंद्र" उभे राहणार आहे.मनसे आमदार श्री राजू पाटील यांच्या हस्ते उद्घाटन होणार असल्याचे बोलले जात आहे.
१४.पुणे /कामगार समस्या
पुणे महानगरपालिका क्षेत्रात काम करणाऱ्या कामगारांना अतिक्रमण आयुक्त माणुसकीची वागणूक न देता मनमानी करून वेतन कापले जाते.ह्या समस्या घेऊन कामगारांनी मनसेचे नगरसेवक श्री वसंत मोरे यांची भेट घेतली.
१५.पुणे/मनसे उपक्रम
"माझे कुटुंब, माझी जबाबदारी" राज्य सरकारच्या अभियानातंर्गत मनसे नगरसेवक श्री साईनाथ बाबर यांनी स्वतः उपस्थित राहून कोंढवा प्रभागातील नागरिकांची तपासणी करून घेतली.
१६.रायगड /मनसे इशारा
मुंबई-गोवा महामार्गावर पेण शहरालगत असणाऱ्या एचपी पेट्रोल पंप विरोधात मनसे आक्रमक,अपुऱ्या सुविधा आणि वाहनांच्या लांबच लांब रांगा यामुळे महामार्गावर वाहतूक कोंडी होत आहे.अपघात होण्याची शक्यता प्रवासी सुविधा पूर्ण न केल्यास मनसे स्टाईलने कारवाही करू असा मनसेच्या रुपेशदादा पाटील यांनी इशारा दिला आहे.
१७.रत्नागिरी /मनसे निवेदन
कोविड सेंटर मधील असुविधांबाबत मनसे दक्षिण रत्नागिरी जिल्हाध्यक्ष श्री जितेंद्र चव्हाण यांनी जिल्हाधिकारी ह्यांना निवेदन दिले.कोविड सेंटरची सुधारणा नाही झाल्यास मनसे आंदोलन करणार असल्याचे त्यांनी सांगितले.
१८.ठाणे /मनसे पर्दाफाश
शिवसेना शासित ठाणे महानगरपालिकेचे महापौर ज्या बंगल्यात राहतात त्याच शेजारी हुक्का पार्लर चालतो.मनसेने त्याचा पर्दाफाश केला आहे.महापौरांच्या आशीर्वादाने हे सगळं चालू आहे का ?असे प्रश्न उपस्थित होत आहेत.
१९.उस्मानाबाद /मनसे स्वागत
वाढीव वीजबिल विरोधात मनसेच्या वतीने खळखट्याक आंदोलन करण्यात आले होते,जनतेच्या मागण्यांसाठी १९ दिवस कारागृहाची शिक्षा भोगून आलेल्या महाराष्ट्र सैनिकांचे जंगी स्वागत करण्यात आले,ग्रामस्थानी गुन्हे मागे घेण्याची मागणी केली आहे.
२०.यवतमाळ /मनसे प्रश्न
२०१३ साली ५० ते ८० खाटांच्या आरोग्य केंद्राच्या निर्णय भाजप आमदार श्री संजीव बोदकुरवार यांनी दडपून ठेवला म्हणून कोविड परिस्थितीत आरोग्य व्यवस्थेची ही वाणवा दिसून येते असे श्री राजू उंबरकर(मनसे उपाध्यक्ष)यांनी म्हटले आहे.
धन्यवाद
*MNSReport Team*
No comments:
Post a Comment